Harrapazank programaren baitan ospatu den Distirazank talentu lehiaketari esker gazte bilbotarrek ikuskizun bat sortu, landu, kasting-ean epaileak liluratu eta Oihan Vegak gidatutako final ikusgarri baten parte hartu izan dute. Bien bitartean Galder Pérez eta Aiora Renteria artisten klaseei esker beraien ikuskizunak findu izan dituzte.  Oraingoan ere gazteak protagonista eta sortzaile izan dira.

Harrapazank 12-18 urte bitarteko gazteei zuzendutako programa parte hartzailea da. Gazteek proposamenak luzatzen dituzte, lehiaketetan parte hartzen dute, publiko moduan datoz... beraien gustuko ekimenak bultzatu eta gozatu egiten dituzte. Harrapazank Bilboko Udalaren Euskara Sailak antolatzen duen ekimen arrakastatsua da.

Topaketan zehar jasotakoa, modu laburrean, adieraziko dugu datozen lerrootan.

Bigarren ponentzia: "Euskararekiko motibazioan eragin: nerabeentzako kontsumo masiboko egitasmoak"

Aritza Escandon (Kultur K2a)

• Topagunearen kultur zerbitzua da. Harrapazank eskaitzarekin 5 urte daramate Bilboko udalarekin elkarlanean. 12-18 urte arteko nerabeentzat programa osatu bat dute eskuartean.
• Euskara plazerrarekin, esperientzia positiboekin, ondo pasatzearekin lotu nahi dute. Euskara motibaziotik pasa eta erabilerara eraman nahi dute.
• Kontsumitzaileak gazteak dira, beraz, nerabeei eman behar zaie protagonismoa; nerabeen zaletasunek izan behar dute ardatz; ekintzetan parte-hartze aktiboa izan behar dute baita komunikazio bideetan ere -sare sozialak-.
• Erreferente hurbilak eta erakargarriak erabiliz: idoloak, eredu hurbilak -begirale zein irakasleak-, erdal munduko euskaldunak.
• Erabilera esparru berriak komunikazio bide bihurtu.
• Erakargarritasuna ezinbestekoa da: goi-mailako artistak, ludikotasuna erdigunean, ikuskizun moderno eta espektakularrak, proposamen berritzaileak.
• Nerabeekiko enpatia sentitzea oso garrantzitsua da.
• Ekintzen aurretik ikastetxeetan aurkezpena egiten da; sare-sozialak eta blogaren erabilera ezinbestekoa da, informatzeko eta elikatzeko -bideoak …-.
• Tuenti nerabeen artean oso indartsu dago, baina batik bat gaztelaniaz. Euskararen erabilera probokatzeko, naturaltasunez euren artean euskaraz jardun behar dugu. Gaur egun, gurekin euskaraz egiten dute, euren artean gaztelaniaz.

ITURRIA: LAN TA LAN

Aurtengo Harrapazank programan inoizkorik jente gehien izango dala aurreikusi dabe antolatzaileek

Bilboko Udaleko Euskera Sailak martxan jarri dau 'Harrapazank' euskera sustatzeko programearen bosgarren edizinoa. Ekimenak 12 eta 18 urte bitarteko gaztetxuen artean euskerearen erabilera bultzatzea dau helburu eta, era berean, gazteentzako kultur eskaintzea handitu gura dau jarduera erakargarri eta barritzaileen bitartez. 'Harrapazank' programeak gure hizkuntzea, irakaskuntzatik kanpoko eremuetan, eguneroko hartu-emonetako hizkuntza izatea lortu gura dau.

'Harrapazank' Euskera Sailak Topagunea - Euskera Alkarteko Federazinoaren laguntzinoagaz antolatzen dauen ekimen egonkorra da. BBK eta Bizkaiko Foru Aldundia proiektuaren babesleak dira.

Edizino honek gazteen parte hartzea sustatzen dau lehiaketa biren bitartez. Horreetan, gazteek euren gaitasun artistikoak, musikalak eta jantzarako doeak erakutsi ahal izango ditue.

Topaguneko dinamizatzaileek Bilboko ikastetxe eta institutuak bisitau ditue, gazteei bi lehiaketen ganeko informazinoa eskaintzeko. Komunikazino-kanpaina horren ondoren, 120 nerabe baino gehiagok izena emon dabe lehiaketetan.

Gehiago irakurri...

Apirilaren 21 eta 22an ospatuko diren udaletako euskara-zerbitzuen topaketek nerabeak izango dituzte hizpide. Izan ere, UDALTOP-en 2.edizio honetan udaletatik nerabeen aisialdian eta lagun artean euskara gehiago erabiltzeko zer egin dezaketen aztertuko da, beti ere EBPN-ko esparruak gai nagusiak izanik (familia, aisia, enpresa...). Horretarako adituen esperientzia teoriko zein praktikoa entzuteko aukera izango dugu. Kultur Kabia enpresako zuzendariak, Aritza Escandon, nerabeen euskararekiko motibazioan nola eragin azalduko du.

• Apirilaren 21ean, asteazkena, 12etan. "Euskararekiko motibazioan eragin: nerabeentzako kontsumo masiboko egitasmoak"