hasiera > BlogaBloga
Atala: Aisialdia | Noiz: 2011/02/11 | Erantzunak: (0) | Etiketak: gazteak, harrapazank, nerabeak, bilbo, bilboko udala, dstirazank
Euskarazko umeentzako "ikuskizunik onenak" bildu ditu Bilboko Udalak "Ikusi eta Ikasi" programan
Astearte, urtarrilak 11 , 13.13
BILBO, 11 (EUROPA PRESS) Umeentzako euskarazko ikuskizunak iritsiko dira Bilbora Udalaren Euskara Sailaren eta Topagunea Euskara Elkarteen Federazioaren "Ikusi eta Ikasi" programaren edizio berriarekin. 30 jarduera baino gehiago izango dira etxeko txikientzat, denak euskaraz, aisialdia, kultura eta hezkuntza uztartzeko, antolakuntzak prentsaurrekoan jakinarazi duenez.
Edizio honetan 3 eta 12 urte bitarteko umeentzako kultura-jarduera interesgarriak izango dira (antzerkia, ipuin-kontalariak, txotxongiloak, magia, pailazoak eta abar) Begoñako eta Deustuko udaltelgietan, Indautxuko El Carmen aretoan eta Errekaldeberri, Tiboli, Zamakola eta Zurbaran ikastetxe publikoetan, urtarrilaren 17tik martxoaren 19ra bitartean.
Halaber, "Ikusi eta Ikasi" egitasmoaren edizio honetan, Bilborock aretoa programaren egoitza izango da lehenengo aldiz, Zazpi Kaleetan eta Bilbo Zaharrean dagoen eskariari erantzuna emateko.
"Ikusi eta Ikasi" Bilboko Udalaren Euskara Saileko ekimena da, Topagunearekin lankidetzan, eta BBK eta Bizkaiko Foru Aldundia babesle direlarik. Ekimenaren helburua da Bilboko umeen artean euskararen erabilera sustatzea euren aisialdian. Programaren beste helburu bat da txikienen artean hezkuntza-balioak, partaidetza, gizalegea eta irudimena bultzatzea.
Edizio honetan, gurasoek sukaldaritza tailer original bat egin ahal izango dute euren seme-alabekin. Sukaldari profesional batekin errezetak egingo dituzte, modu ludikoan eta hezitzailean. Tailerra euskaraz emango da urtarrilaren 19an Begoñako Udaltegian.
Beste alde batetik, euskaraz ez dakiten gurasoei laguntza eta orientazioa emateko tailerrak egingo dira berriro, seme-alaba txikiekin eskolako lanekin lagundu ahal izateko. Iñaki Eizmendi hezitzaileak erantzuna emango die eguneroko egoerei, kasu praktikoak aztertuta. Umeen jarduerak egiten diren ordu eta leku berberetan egingo dira tailer horiek, gurasoek errazago parte har dezaten.
Bestalde, "Jolasen Txokoa" izeneko ekimenaren lehen edizioa oso arrakastatsua izan zen, 125 pertsonek hartu baitzuten parte, eta horren ondoren, Begoñako eta Deustuko udaltegietan berriro izango da txoko hori. Erakusketa dinamikoa da, umeentzat eta euren gurasoentzat; bertan, mahai-jokoak, jostailuak, ipuinak, DVDak eta joko elektronikoak erakutsiko dira, denak euskaraz. Dinamizatzaileen laguntzarekin, parte-hartzaileek joko guztiekin jolasten ikasiko dute, modu errazean eta dibertigarrian.
Atala: Aisialdia | Noiz: 2011/01/19 | Erantzunak: (0) | Etiketak: kultur zirkuitua, euskara, ikusi eta ikasi, haur, bilboko udala, euskara saila, haurrak, 2011
Atala: Aisialdia | Noiz: 2010/05/26 | Erantzunak: (0) | Etiketak: aisialdia, gazteak, ikuskizunak, gala, euskara, nerabeak, parte hartzea, protagonista, bilboko udala, motibazioa, lehiaketak, euskara saila, talde lana, euskera, dantzazank, distirazank, finala, eskaintza, parte hartzaile, kastinga, entseguak, bilborock, ayuntamiento de bilbao
Atala: Aisialdia | Noiz: 2010/05/19 | Erantzunak: (0) | Etiketak: aisialdia, gala, nerea alias, euskara, bilbotar, parte hartzea, protagonista, sormena, gazte, bilbo, bilboko udala, motibazioa, kontsumo masiboa, nerabe, dantzazank, finala, parte hartzaile, dantza, euskal, parte hartze, bilborock, ikusgarria, ayuntamiento de bilbao
Atala: Aisialdia | Noiz: 2010/04/26 | Erantzunak: (0) | Etiketak: gala, irabazleak, euskara, harrapazank, bilbotar, gazte, bilbo, bilboko udala, motibazioa, euskara saila, nerabe, euskera, dantzazank, distirazank, finala, deia, egunkaria, erreportaia, parte hartzaile, parte hartze, ayuntamiento de bilbao
2010ko apirilaren 13a
KRONIKA Jozank musika tailerrak
Kantuak sortzeko hiru modu ezberdin baina guztiek entzuleengana heltzea helburu
Kantu on bat egiteko formula jakinik ez, baina lau akorderekin mila kantu egin daitezkeela azaldu zuten Ines Osinaga, Lander Irazola eta Onintze Garciak, atzo Bilbon eskainitako Jozank musika tailerren lehenengo saioan.
Ane ARRUTI
Gose taldeko Ines Osinaga, Lor taldeko Lander Irazola eta Seiren taldeko Onintze Garcia izan ziren atzo Jozank ekimenari hasiera eman zioten hiru musikariak. Bilboko Udalak antolatzen duen Harrapazank programaren barruan eskainitako doako musika ikastaroak dira eta aste honetan zehar Bilborocken izango dira musikaren alor ezberdinak lantzeko.
Bideo, zuzeneko eta sariak
Dena ez zen hala ere berriketa izan eta zuzeneko kantuak eta bideoklipak ikusteko parada ere izan zen. Disko eta opariak ere banatu ziren bukaeran.
Garciak, bi balada aukeratu zituen akustikoan kantatzeko. Osinagak, aldiz, trikitiarekin bere herriko «punki zahar batzuek» abesten zuten «Enamorado de la muerte»ren bertsio berezi bat. Sorkuntza aitzakiatzat hartuta, kantu gehienak lau akorderekin osa daitezkeela demostratzeko «pot-pourri» bat osatu zuen Irazolak, irrati gehienetan entzuten diren greatest hits-ekin.
Entzuleen galderen txanda iritsita, «kantu on bat» sortzeko formulaz galdetu zieten hiru musikariei. «Edukiko banu, ez nuke hain erraz botako», izan zen Osinagaren erantzuna. Arrakasta lortzeko garaian, marketinak laguntzen duela aitortu zuen Irazolak, baina «kantuak ez badu ezer, diruak ez du ezertarako balio».
Onak edo ez hain onak, betiko lau akordeekin edo beste batzuekin, hiru musikariek kantuak egiten jarraitzeko duten grina agerian geratu zen. Osinagak azaldu zuenez, «kontatzeko gauzak dauden bitartean, kantuak egiten jarraituko dugu».
Atala: Musika | Noiz: 2010/04/16 | Erantzunak: (0) | Etiketak: aisialdia, euskara, bilbotar, gazte, bilbo, bilboko udala, euskara saila, esperientzia, nerabe, jozank maratoia, abesti sorkuntza, berbaldiak, zuzenekoa, anekdotak, parte hartzaile, parte hartze, bilborock, musikariak
Aurtengo Harrapazank programan inoizkorik jente gehien izango dala aurreikusi dabe antolatzaileek
Bilboko Udaleko Euskera Sailak martxan jarri dau 'Harrapazank' euskera sustatzeko programearen bosgarren edizinoa. Ekimenak 12 eta 18 urte bitarteko gaztetxuen artean euskerearen erabilera bultzatzea dau helburu eta, era berean, gazteentzako kultur eskaintzea handitu gura dau jarduera erakargarri eta barritzaileen bitartez. 'Harrapazank' programeak gure hizkuntzea, irakaskuntzatik kanpoko eremuetan, eguneroko hartu-emonetako hizkuntza izatea lortu gura dau.
'Harrapazank' Euskera Sailak Topagunea - Euskera Alkarteko Federazinoaren laguntzinoagaz antolatzen dauen ekimen egonkorra da. BBK eta Bizkaiko Foru Aldundia proiektuaren babesleak dira.
Edizino honek gazteen parte hartzea sustatzen dau lehiaketa biren bitartez. Horreetan, gazteek euren gaitasun artistikoak, musikalak eta jantzarako doeak erakutsi ahal izango ditue.
Topaguneko dinamizatzaileek Bilboko ikastetxe eta institutuak bisitau ditue, gazteei bi lehiaketen ganeko informazinoa eskaintzeko. Komunikazino-kanpaina horren ondoren, 120 nerabe baino gehiagok izena emon dabe lehiaketetan.
Atala: Aisialdia | Noiz: 2010/03/24 | Erantzunak: (0) | Etiketak: aisialdia, gazteak, kontzertuak, euskara, harrapazank, nerabeak, bilbotar, parte hartzea, protagonista, bilbo, bilboko udala, erabilera, motibazioa, ekintza erakargarriak, lehiaketak, musika, gazteen iritzia, euskara saila, eskaintza, parte hartzaile
Ikusi eta Ikasi programa arrakastatsua
2010-03-23
Martxoaren 13an amaitu zen Ikusi eta Ikasi umeentzako euskara hutsezko ekitaldi programaren seigarren ekitaldia. 3 eta 12 urte tarteko umeei egokitutako 30 ikuskizun antolatu dira eta ikuskizun bakoitzean, bataz beste, 200 umek parte hartu dute. Horrela, guztira, 5.757 haur eta gaztetxok gozatu dute euskara hutsezko ekitaldi-sorta honetaz.
Bestalde, bigarren urtez, ekitaldian gurasoei zuzendutako sentiberatze hitzaldiak eta tailerrak garatu izan dira euskaraz eta gazteleraz, seme-alaben hizkuntza ohituretan eragitera eta umeei eskolako lanetan gurasoek zelan lagundu aztertzera bideratuta. Antton Irustak gurasoei zuzendutako ipuin kontaketa tailerra eskaini du, ipuinen eta ahozko adierazpenaren balore hezitzaileak aurkezteko.Tailerretan parte hartu duten 130 gurasoek ekimen honen arrakasta bermatzen dute.
Iturria: Bilbao Euskaraz
Atala: Aisialdia | Noiz: 2010/03/19 | Erantzunak: (0) | Etiketak: aisialdia, ikuskizunak, antzerkia, euskaraz, pailazoak, txotxongiloak, magia, bilbo, bilboko udala, haur kultur zirkuitua, bilbao, euskara saila, haurrak, magoak, tailerrak, hitzaldiak, gurasoak
- Bilboko Udaleko Euskara Sailak martxan jarri du Ikusi eta Ikasi umeentzako euskara hutsezko ekitaldi programaren seigarren ekitaldia. Ekimen honek aisia, kultura eta heziketa uztartzen ditu
- Bi gune berri ditugu aurtengo zirkuitoan: El Karmen Aretoa eta San Frantziskoko Udaltegia
- Azken edizioan 3 eta 12 urte bitarteko 11.000 ume inguruk hartu zuen parte
30 ikuskizun baino gehiagok osatzen dute Ikusi eta Ikasiren aurtengo edizioa. Bilboko Udaleko Euskara Sailak martxan jarri du Ikusi eta Ikasi umeentzako euskara hutsezko ekitaldi programaren seigarren ekitaldia. Ekimen honek aisia, kultura eta heziketa uztartzen ditu. Ekitaldi honetan, 3 eta 12 urte tarteko umeei egokitutako ikuskizun interesgarriak antolatu dira (antzerkia, ipuin kontalariak, txotxongiloak, magia, pailazoak, etab.). Emanaldiak Begoñako eta Deustuko Udaltegietan eta Errekaldeberri, Tiboli, Zamakola eta Zurbarango Ikastetxeetan egingo dira, urtarrilaren 12tik martxoaren 13ra bitartean. Bestalde, bi gune berri ditugu aurtengo zirkuitoan: El Karmen Aretoa eta San Frantziskoko Udaltegia.
Ikusi eta Ikasi Bilboko Udalaren Euskara Sailak Topagunea-Euskara Elkarteko Federazioaren laguntzarekin antolatzen duen ekimen egonkorra da. BBK eta Bizkaiako Foru Aldundia proiektuaren babesleak dira. Kultur zirkuituaren helburu nagusia Bilboko haurren artean euskararen erabilera haien aisialdian sustatzea da. Halaber, Ikusi eta Ikasi-k haurren artean bidezko heziketa, parte hartzea eta sormena bultzatzea bilatzen du.
Atala: Aisialdia | Noiz: 2010/01/12 | Erantzunak: (0) | Etiketak: kultura, aisialdia, ikuskizunak, ikusi eta ikasi, bilbo, bilboko udala, haur kultur zirkuitua
Kulturkabia Facebook-en
RSS feedGU NOR GAREN
Ongi etorri Kultur Kabiaren blogera!
Artxiboa
Abendua 2011
Azaroa 2011
Iraila 2011
Uztaila 2011
Ekaina 2011
Maiatza 2011
Apirila 2011
Martxoa 2011
Otsaila 2011
Urtarrila 2011
Abendua 2010
Azaroa 2010
Urria 2010
Iraila 2010
Uztaila 2010
Maiatza 2010
Apirila 2010
Martxoa 2010
Otsaila 2010
Urtarrila 2010
Abendua 2009
Azaroa 2009
Urria 2009
Iraila 2009
Ekaina 2009
Martxoa 2009
Otsaila 2009
Urtarrila 2009
Abendua 2008
Azaroa 2008
Ekaina 2008
Urtarrila 1970
BABESLEA
EUSKO JAURLARITZAREN KULTURA SAILA
Bilatu
Etiketak
