Bloga

Gurasoek webgune baten bitartez argitu ahalko dituzte hizkuntzaren inguruan dituzten kezkak. Proiektua Mankomunitateko Euskara Zerbitzuak jarri du martxan, eta euskara ardatz eta erreferentzia-hizkuntza izango duten seme-alaba eleaniztunak heztea du helburu.

Aurreko urteetan, Mankomunitateko Euskara Zerbitzuak sentsibilizazio kanpainak zabaldu ditu zero urtetik hiru urtera bitarteko umeen gurasoen artean, haiek euskararen garrantziaz jabetzeko. Horren haritik, haientzat lagungarria izan daiteken informazioa eta Ku-ku umeentzako liburuxka agindu zaizkie etxera orain arte. Baina Euskara Zerbitzua haratago joan da aurten, eta proiektu berri bat jarri du martxan: www.emangiltza.com webgunea, hain zuzen ere. Proiektua Bizkaiko beste udalerri batzuekin batera sustatu du. “Gurasoei edozein momentutan azal dakizkieke kezkak edo zalantzak, eta haiek berehala argitzeko aukera emango zaien gunea sortu nahi genuen”, azaldu digu Laura Martinezek.

Proiektuari itxura ematen hasteko, lau eztabaida-talde osatu ziren Bizkaia mailan. Talde bat guraso euskaldunek osatu zuten; talde bi, guraso erdaldunek; eta bestea, gurasoetariko bat erdalduna eta bestea euskalduna ziren bikoteek. Horrezaz gainera, elkarrizketa sakona egin zitzaien atzerritar batzuei. “Gurasoen ama-hizkuntza edozein dela ere, euren kezkak eta esperientziak zuzenean ezagutzea interesgarritzat jo genuen. Era berean, proiektuari buruz zuten iritzia ezagutu nahi genuen, haren nondik no-akoak ezartzeko”. Eztabaida-taldeetatik eta elkarrizketetatik ateratako ondorioak aztertu ostean, hurrengo pausua bai kanpaina, bai webgunea diseinatzea izan da. Azken hau maiatzaren amaieran egongo da martxan.

Webgunea hiru hizkuntzetan egin da: euskaraz, gazteleraz eta frantsesez. Hara sartu eta bideo baten bidez, aita edo ama batek azalduko digu bere esperientzia hizkuntzarekin. Webgunea bisitatzera animatuko gaitu eta bertan topatuko du-gunaren aurrerapena emango digu.

Gehiago irakurri...

Alkarbide Bizkaiko Euskara Zerbitzuen Bilguneak "Eman giltza-¡Háblale, escúchale!" goiburuko kanpaina jarri du martxan, Foru Aldundiaren babesarekin, eta Bizkaiko ia 16.000 familiari zuzenduta egongo da. Kanpainaren helburua euskara belaunaldiz belaunaldi bidez transmititzeak duen garrantzia nabarmentzea da. Egitasmoa Bizkaiko 37 udalerritan eta hiru mankomunitatetan burutuko da.

Ume jaioberriak eta 1 eta 6 urte bitarteko umeak dituzten gurasoek haurraren ingurune hurbilean euskara sustatzeko aholkuak batzen dituen diptiko bat jasoko dute beren etxeetan eta beren kezkak eta beldurrak uxatzeko prestatu den webgunearen berri ere izango dute. Horrez gain, abestiak, euskarazko oinarrizko hitzak eta esamoldeak ikasteko "KU-KU" liburuxka CD eta guzti banatuko zaie, antolatzaileek adierazi dutenez.

Zehazki, Abadiño, Abanto-Zierbena, Arakaldo, Arrankudiaga, Arrieta, Arrigorriaga, Balmaseda, Basauri, Berriz, Bilbo, Durango, Ea, Elorrio, Erandio, Etxebarri, Etxebarria, Fruiz, Galdakao, Gamiz-Fika, Gernika-Lumo, Gordexola, Laukiz, Leioa, Lemoa, Markina-Xemein, Maruri-Jatabe, Mundaka, Munitibar-Arbatzegi-Gerrikaitz, Muskiz, Orozko, Ortuella, Ugao-Miraballes, Urduña, Zaldibar, Zeberio, Zierbena eta Zornotza udalerrietan, eta Enkarterri, Txorierri eta Uribe Kosta mankomunitateetan burutuko da kanpaina.

ITURRIA:  Europa Press

Facebook-en dugun orrialdea ikusteko sakatu hemen

Topaketan zehar jasotakoa, modu laburrean, adieraziko dugu datozen lerrootan.

Bigarren ponentzia: "Euskararekiko motibazioan eragin: nerabeentzako kontsumo masiboko egitasmoak"

Aritza Escandon (Kultur K2a)

• Topagunearen kultur zerbitzua da. Harrapazank eskaitzarekin 5 urte daramate Bilboko udalarekin elkarlanean. 12-18 urte arteko nerabeentzat programa osatu bat dute eskuartean.
• Euskara plazerrarekin, esperientzia positiboekin, ondo pasatzearekin lotu nahi dute. Euskara motibaziotik pasa eta erabilerara eraman nahi dute.
• Kontsumitzaileak gazteak dira, beraz, nerabeei eman behar zaie protagonismoa; nerabeen zaletasunek izan behar dute ardatz; ekintzetan parte-hartze aktiboa izan behar dute baita komunikazio bideetan ere -sare sozialak-.
• Erreferente hurbilak eta erakargarriak erabiliz: idoloak, eredu hurbilak -begirale zein irakasleak-, erdal munduko euskaldunak.
• Erabilera esparru berriak komunikazio bide bihurtu.
• Erakargarritasuna ezinbestekoa da: goi-mailako artistak, ludikotasuna erdigunean, ikuskizun moderno eta espektakularrak, proposamen berritzaileak.
• Nerabeekiko enpatia sentitzea oso garrantzitsua da.
• Ekintzen aurretik ikastetxeetan aurkezpena egiten da; sare-sozialak eta blogaren erabilera ezinbestekoa da, informatzeko eta elikatzeko -bideoak …-.
• Tuenti nerabeen artean oso indartsu dago, baina batik bat gaztelaniaz. Euskararen erabilera probokatzeko, naturaltasunez euren artean euskaraz jardun behar dugu. Gaur egun, gurekin euskaraz egiten dute, euren artean gaztelaniaz.

ITURRIA: LAN TA LAN

Apirilaren 21 eta 22an ospatuko diren udaletako euskara-zerbitzuen topaketek nerabeak izango dituzte hizpide. Izan ere, UDALTOP-en 2.edizio honetan udaletatik nerabeen aisialdian eta lagun artean euskara gehiago erabiltzeko zer egin dezaketen aztertuko da, beti ere EBPN-ko esparruak gai nagusiak izanik (familia, aisia, enpresa...). Horretarako adituen esperientzia teoriko zein praktikoa entzuteko aukera izango dugu. Kultur Kabia enpresako zuzendariak, Aritza Escandon, nerabeen euskararekiko motibazioan nola eragin azalduko du.

• Apirilaren 21ean, asteazkena, 12etan. "Euskararekiko motibazioan eragin: nerabeentzako kontsumo masiboko egitasmoak"