Bloga

Urriaren 29an Durangoko San Agustin aretoan txalo asko entzun genituen. Izan ere, 8 talde eta 23 lagun eskenatokira igo ziren eta emanaldi ikusgarriekin gozatzeko aukera izan genuen.

Alejandra eta Virginiak abestu eta pianoa jo zuten. Ondoren, antzerkia izan genuen Kuxupa taldearen eskutik (Irati, Katalin, Alba, Ane eta Ane) Titanic pelikularako beraien kastinga montatu zuten . Jokinek, ordea, berak sortutako abesti bat jo zuen gitarrarekin. Bestetik, Gu geuko Maider, Naia, Leire, Iranzu eta Malenek beste horrenbeste egin zuten koreografia eta guzti.

Markel Zugazartaza eszenatokira bakarrik igo eta berak sortutako dantza itzaletan hasi zuen. Hurrengo artista Ane izan zen , bulimiari buruzko kanta abestu zuelarik. Galari azken ginda Itxaso eta Iratik jarri zioten, Zea Maysen “Negua joan da ta” bi ahotsetara abestuz.

Udagoieneko Osteraren hamabigarren edizioa azaroaren 10ean abiatuko da, Katamalok Bilboko Kafe Antzokia eskainiko duen emanaldiarekin. Udagoieneko Ostera Topaguneak antolatzen du Bizkaiko Foru Aldundiaren eta BBKren laguntzaz, eta urtero-urtero euskarazko kultur produkzioa eramaten du Bizkaiko antzokietara.

Aurtengo programazioa sei emanaldik osatzen dute. Adi ibiliz gero, doako sarrerak lortzeko aukera izango duzue egunotan!

• KATAMALO: Katamaloa “erantzi” ondoren, publikoa gosez utzi zuen taldeak, eta hori dela eta, kontzertu bakan batzuk emateko itzuli da.
  

  

  (Azaroak 10, osteguna. Bilboko Kafe Antzokian 21:30ean). Sarrerak agortuta! Zozketan parte hartu nahi? ;)
  
  
• KEROBIA: Trilogia atera eta gero (Materia Organikoa, Papera eta Kartoia, Ontziak), kantu horien moldaketa akustikoa aurkeztera datozkigu “Nola jaiotzen diren aurrez zendutakoak” emanaldi intimistarekin.
  (Azaroak 11, ostirala. Urdulizko Kultur Etxean 22:00etan).
  
  
• MIKEL URDANGARIN: Estudioko zortzi disko argitaratu ondoren, ibilbide guztiko kantuak jasotzen dituen zuzeneko diskoa aurkeztuko du. Disko hori aurkezteko lehen kontzertua Udagoieneko Osteraren barruan egingo du.
  (Azaroak 18, ostirala. Balmasedako Klaret Antzokian 20:30ean).
  
  
• HOSTOAK: Oreka TX, Amaren Alabak eta Kukai dantza konpainiaren eskutik paregabeko emanaldia, punta-puntako euskal musikari eta dantzarien eskutik.
  (Azaroak 25, ostirala. Ermua Antzokian, 22:15ean).
  
  
• ETXE+LORELEI: Kantautore estiloko emanaldia, alde batetik Etxe, bere disko bietako lanekin, eta bestetik Lorelei, 11 urte ta gero Osteran agertuko dira berriro, beraien esanetan “bizirik” lurperatu baitzuten poesi musikatu proiektu hau.
  (Azaroak 26, larunbata. Getxoko Andres Isasi Musika Eskolan 22:00etan).
  
  
• TXAN MAGOA: Urteetako prestaketaren ondoren, emanaldi berria estreinatuko du Osteran, Ezer ez da dirudiena titulupean.
  (Azaroak 27, igandea. Barakaldo Antzokian 18:00etan).

Gehiago irakurri...

Dizerdit, ni banoa! topaketak Izarren Distira Lehiaketaren haritik antolatu dira eta gazteek euren sormena lantzea dute helburu. Doan izango dira eta ekainaren 28an eta 29an egingo dira Urduñan.

Izarren Distira Talentu Lehiaketa oso ekimen arrakastatsua izan zen gurean, eta, horregatik, hura bigarren aldiz antolatzea erabaki du Mankomunitateak. Lehiaketaren aurkezpenak irailean egingo dituzte, baina gazteek harekin lotuta dauden sormen topaketetan parte hartzeko aukera izango dute ekainaren 28an eta 29an. Dizerdit, ni banoa! topaketak 12 urtetik 18 urtera bitarteko gazteei daude zuzenduta eta Urduñako aterpetxean egingo dira.

Mankomunitatetik adierazi duten moduan, Izarren Distiraren aurtengo edizioan lehiaketa kontzeptua gainditu eta indarra sormenean jartzea erabaki dute. Horrela, topaketetan hainbat tailer egingo dira, gazteek ikuskizun munduarekin zerikusia duten arloak lan ditzaten: antzerkia, bideogintza, musika eta gorputz-espresioa, banaka batzuk aipatzearren. Tailerrak adituek emango dituzte eta euren artean aktoreak eta ETBko langileak egongo dira. Gauean, ekimen ludikoagoak egingo dituzte.

Egitasmoa Txorierriko Mankomunitateak antolatu du Getxo, Uribe Kosta eta Durangaldeko Udal eta Mankomunitateekin batera, eta antolakuntza lanetan Topaguneak hartuko du parte. “Sormen topaketen bitartez hainbat helburu lortu nahi ditugu. Alde batetik, gazteek euskara gozamenarekin lotzea nahi dugu, eta gure hizkuntza gune ez formaletan ere erabil dezatela. Bestetik, aukera ezin hobea da euren sormena eta gaitasun artistikoak lan ditzaten, eta beste eskualdeetako gazteak ezagut ditzaten”.

Gehiago irakurri...

Lanposturako oinarrizko eskakizunak

• Kultur ekitaldien programazioan eta kudeaketan eskarmentua
• Euskarazko ikuskizunen ezagutza
• Euskara ondo menperatzea
• Harreman pertsonaletarako gaitasuna izatea
• Gidatzeko karneta eta autoa izatea

Baloratuko da

• Negoziatzeko gaitasuna
• Pertsona dinamikoa eta autonomoa izatea
• Erabakiak hartzeko gaitasuna
• Ofimatika programak eta teknologia berriak erabiltzeko trebetasuna

Curriculumak aurkezteko epea eta bideak:

• Ekainaren 22a azken eguna

• Kultur Kabia Zerbitzuak S.L. Arlozabal 8 bis – 1 C 48220 Abadiño
• Posta elektronikoz: info@kulturkabia.com. (Telf. 94 621 84 33)

Elkarrizketak

• Ekainaren 27an eta 28an egingo dira

Begiraleen lan poltsa osatzeko deialdia zabaldu berri dugu. Interesa izanez gero bidali kurrikuluma info@kulturkabia.com helbidera.

Begiraleek bete behar dituzten oinarrizko baldintzak ondokoak dira:

• Euskara ondo menperatzea
  
• Aisialdian aritua
  
• Haur, nerabe eta gazteekin lan egiteko gaitasuna e
  
• Komunikatzeko eta harremanak lantzeko gaitasuna
• Mugikortasuna eta ordutegi zein egutegi askea izatea
  

 "Gazteak, aisialdia eta euskara" aztergai izango dira Euskaltzaindiaren XV. Jagon Jardunaldietan

Azaroaren 19an, ostirala, Euskaltzaindiak antolatutako XV. JAGON  JARDUNALDIAK Bilboko egoitzan izango dira. Aurten "Gazteak, aisialdia eta euskara"  izango da bertan egun osoz landuko den gaia. Kultur Kabia Zerbitzuak  ere bertan izango da hizlari, izan ere, Aritza Escandon zuzendariak Kike Amonarriz-ek gidatuko duen mahai inguruan parte hartuko du.

LEKUA

Euskaltzaindiaren egoitza

Plaza Barria, 15 48005 BILBAO

Tel: +34 944158155

Fax: +34 944158144

www.euskaltzaindia.net

DATAK

2010eko azaroaren 19a, ostirala.

Goizez eta arratsaldez.

Kultur Kabia Zerbitzuak aisialdi eta kultur programak garatzeko teknikari bila dabil. Jarraian lan eskaintzaren nondik norakoak dituzu. Kurrikulumak bidaltzeko epea urriaren 29an bukatzen da.

AISIALDI eta KULTUR PROGRAMAK GARATZEKO TEKNIKARIA

Lanposturako oinarrizko eskakizunak

Kultura eta aisialdiko programa eta espektakuluen, diseinuan, antolaketan eta produkzioan eskarmentua

Euskara ondo menperatzea

Harreman pertsonaletarako gaitasuna izatea

Gidatzeko karneta eta autoa izatea

Baloratuko da

           Gizarte eta kultur animazioan ikasketak

Aisialdiaren inguruko ezagutza izatea.

Nerabe eta gazteentzako aisialdi programatan eskarmentua

Soziolinguistikari buruzko ezagutzak izatea.

Pertsona dinamikoa eta autonomoa izatea.

Erabakiak hartzeko gaitasuna.

Ofimatika programak eta teknologia berriak erabiltzeko trebetasuna

Hiru hilabeterako kontratua eskaintzen da eta ondoren baloratuko da jarraipenerako aukera.

Curriculumak aurkezteko (Epea urriak 29)

Kultur Kabia Zerbitzuak S.L.

Arlozabal 8 bis – 1 C   48220 Abadiño

Posta elektronikoz: info@kulturkabia.com  (Telf. 94 621 84 33)

Elkarrizketak azaroak 2 eta 3an egingo dira